नयाँ बुलन्द
गजुरमुखी : पश्चिमी इलामको गजुरमुखीमा स्वगीर्य हर्कबहादुर देवानको सम्झनामा ‘हर्कबहादुर देवान स्मृति नकआउट फूटबल प्रतियोगिता २०७३’ सञ्चालन हुने भएको छ ।
स्थानीय भुलभुले सामुदायिक विकास केन्द्रको आयोजनामा माघ १९ देखि प्रतियोगतिा सञ्चालन हुन लागेको हो । प्रतियोगिता गजुरमुखी-९ तोभाङस्थित बरभञ्ज्याङ आभारभूत विद्यालयको खेलमैदानमा सञ्चालन हुने आयोजकले जनाएको छ ।
प्रतियोगिताका विजेता टिमले नगद ४० हजार रुपैयाँ सहित ट्रफि, मेडल र प्रमाणपत्र तथा उपविजेता टिमले नगद २० हजार सहित ट्रफि, मेडल र प्रमाणपत्र पाउनेछन् । त्यस्तै उत्कृष्ठ खेलाडी र सर्वाधिक गोलकर्तालाई पनि ट्रफि र प्रमाणपत्र प्रदान गरिने छ ।
प्रतियोगिता सञ्चालनका विभिन्न संघसंस्था तथा व्यक्तिहरुले सहयोग गरेका छन् । बैदेशिक रोजगारीका लागि दक्षिण कोरिया पुगेका स्थानीय तोभाङबासीको विशेष सहयोग रहेको छ ।
त्यस्तै प्रतियोगिताका लागि स्वर्गीय हर्कबहादुर देवानका परिवारबाट लक्ष्मी देवान, लिला राई, सुमित राई, सायमा राई, कोकिला देवान, विजय देवान, सृजना देवान, रोहन देवान, रोशा देवान र विशाल देवानले आर्थिक सहयोग गरेका छन् ।
स्थानीय जुझारु युवाहरुको समूहबाट गठित भुलभुले सामुदायिक विकास केन्द्र एक महिना अघिमात्र जिल्ला प्रशासन कार्यालयमा आधिकारिक रुपमा दर्ता भएको गैरसरकारी संस्था हो ।
