नयाँ बुलन्द
इलाम : इलाम सदरमुकाममा जारी तेश्रो टोलकप फुटलब प्रतियोगिताको सोमबारको खेलमा भानुपथ टोल विजयी भएको छ ।
पहिलो खेलमा नविन चोक ‘बी’ लाई ८-० को भारी अन्तरले हराउँदै भानुपथ विजयी बनेको हो । जितका लागि भानुपथका छिरीङ गुरुङले ५ गोल गरे । त्यस्तै पुन्य लिम्बूले २ र युवराज लिम्बूले १ गोल गरेका थिए ।
यो समाचार तयार पार्दासम्म दोश्रो खेल अन्तरगत नारायणस्थान र फुलगाछी टोलबीच बराबरीमा खेल भईरहेको छ ।
क्लब ओएसीसले आयोजना गरेको प्रतियोगिताको फाइनल खेल १५ जेठमा हुनेछ । प्रतियोगिताका विजेता र उपविजेता टिमले क्रमशः नगद २० हजार र १० हजार, ट्रफि, मेडल र प्रमाणपत्र पाउनेछन् । त्यस्तै उत्कृष्ठ खेलाडी र र्सवाधिक गोलकर्तालाई समेत आकर्ष पुरस्कारको व्यवस्था रहेको आयोजक ओएसीसका अध्यक्ष डा. च्यान्द्रु लिम्बूले जानकारी दिए ।
प्रतियोगितामा इलाम नगरपालिका भित्रका १० टिमको सहभागिता रहेको छ ।
