गजल

0
521
महेन्द्र विरही

न दशैँ आउँछ मलाई न तिहार आउँछ

हुनेहरुको नै पर्वहरू बारम्बार आउँछ

 

तिम्रो राजमार्ग छेउ सजिन्छ गमलाले

मेरो गोरेटोमा त फूलको पनि धार आउँछ

 

पेटकै लागि यो माटो पसिनाले भिजाकोछु

यहाँ, मेरै कठालो समाउन सरकार आउँछ

 

मेरै सीपले यो देशको महलहरु बनेको हो

किनअझै म माथि यस्तो अत्याचार आउँछ

 

तिमीलाई सँधै मङ्सिर छ राजधानीमा

यो जीवनमा त बाह्रैमास असार आउँछ

एक उत्तर छोड्न

Please enter your comment!
Please enter your name here