धादिङ : धादिङको धुनिबेशी नगरपालिका–६ चालिसेमा आज बस र कन्टेनर एक आफसमा ठोक्किँदा ४ जना घाइते भएका छन् ।
काठमाडौंबाट नुवाकोट जाँदै गरेको बा४ख ८४३५ नम्बरको बस र विपरित दिशाबाट आउँदै गरेको ना५ख ४३५ नम्बरको कन्टेनर आज विहान सवा ८ बजे आपसमा ठोक्किएका थिए ।
प्रहरीका अनुसार दुर्घटनामा कन्टेनर चालक र बसमा सवार ३ जना गरि ४ जना घाइते भएका छन् ।
घाइतेको धार्के अस्पतालमा उपचार भइरहेको धादिङ प्रहरीले जनाएको छ । प्रहरीका अनुसार दुर्घटना पश्चात फरार रहेका बस चालकको खोजी भइरहेको छ ।